/public/tvbcom/article/images/202510/76e8ebee-edfa-46b7-b40a-a3ebb3a9a71d.jpg)
林盛斌（Bob）的大女林霏兒（Faye）近日在網上透露遭受性騷擾，收到粗俗意淫字句，不堪入目又露骨，她以黑底紅字怒斥：「骯髒過份」，又強調為要為女性發聲：「太過分，有必要講出嚟！」
她發文：「控制唔到呢位仁兄講乜，但係其實我真係好多人愛，好多人錫㗎！」又反問對方是否活得更幸福及被愛。
隨後，仍有網民惡意攻擊為自己平反的林霏兒，更Tag了林盛斌留言：「咁嘅樣都食得落，邊位仁兄咁為民除害……」。
延伸閱讀：林盛斌大女林霏兒疑遭留言性騷擾 怒斥網民過火勸「積下口德」：太過分
/public/tvbcom/article/images/202510/9941fdb0-ccd5-4115-a326-640064bf3b75.jpg)
林盛斌隨即Cap下對方侮辱性留言，並公開其帳號公審，發文指曾詢問律師朋友，指對方已可能構成違法行為，勸對方不要蹭熱度、蹭流量：「有個律師朋友話畀我知，其實網上寫呢啲嘢，已經可能構成兩至三個違法嘅行為。」
他又再發長文為女兒護航，指家人亦有看到其帖文，但一家並無任何感覺，「大家姐仲話你揀呢張相幾靚添，所以唔好意思，令你失望…我想講，我同我嘅屋企人，包括我太太同啲小朋友，都比你想像中勇敢、堅強、正面、有胸襟、有自信。」
林盛斌叫對方不需要擦存在感，勸對方「己所不欲，勿施於人」，應身同感受地發文：「其實，真係冇要求過要你特別去愛我哋，但係又有冇需要專登去攻擊同傷害呢？你可能對我或者對我嘅屋企人有意見，不過，我仍然衷心祝福你有開心同愉快嘅生活。」
最後他忍不住寸爆對方：「最後我都有答返我個仔個問題，我同佢講可能呢個哥哥好驚畀人見到佢個真樣，所以佢咪唔放自己個頭像上去囉，你見佢之前出嘅所有嘢都冇佢個樣㗎，咁佢就可以喺個網絡上面寫好多嘢，啲人都唔知佢係邊個，好似寫乜都得咁囉。」一班圈中好友亦留言力撐他，更讚他高EQ！
至於林盛斌出此帖文後，該名網民亦已刪了帖文兼刪除帳號。
