林盛斌大女外貌遭惡評大方得體回應勁高EQ 獲妹妹手寫信鼓勵

點讚

撰文：柔娛絲

發佈日期：2025-10-27 04:00

林盛斌（Bob）的大女林霏兒（Faye）近日在網上透露遭受性騷擾，以黑底紅字怒斥：「骯髒過份」，又強調為要為女性發聲：「太過分，有必要講出嚟！」

隨後，仍有網民惡意攻擊為自己平反的林霏兒，更Tag了林盛斌留言：「咁嘅樣都食得落，邊位仁兄咁為民除害……」。林盛斌發長文護女，高EQ教育惡言者！

雖然面對無故人身攻擊，年僅17歲的林霏兒處理得相當成熟，她發文引述網民的難聽說話：「Faye！佢哋話你係『坦克』話你係X話你肥話你樣衰啊！」

但她沒有絲毫不快，更大方得體回應，「哇！好彩啫！梗係好彩啦！好彩佢哋唔係話我唔善良，好彩佢哋唔係話我冇家教，好彩佢哋唔係話我對人冇愛，好彩佢哋只係批評我嘅身材樣貌、相片。」

林霏兒深知真正的美麗是終於自己的肯定，「因為去到最後，真正嘅美麗，係對自己嘅肯定，對自己、對愛自己嘅人有愛，我依舊被愛，依舊活得精彩！」

她不但表達對愛自己的人的愛，更祝福批評及不喜歡自己的人，都可以得到愛和想要的幸福，「I wish you love.」果然夠高EQ！

林霏兒亦上載一張嘟嘴照，寫上：「You are loved by Faye!」又晒出一張妹妹林機兒(Kaye) 的手寫信，對方指若她想找人傾訴、需要擁抱時，自己都一定會在，字裏行間也感受到姊妹情深，相信霏兒收到妹妹的鼓勵也暖入心。

林盛斌也有留言表示「原來你先至係正能量大師，有料，跟你學嘢。」

主頁