林峯佘詩曼IG有愛互動❤甜蜜互稱男女朋友 勾網民回憶殺：最強CP！

早前（13日）林峯喺社交平台同網民拜年，原來佘詩曼都有留言恭喜發財，並稱林峯做「男朋友」，林峯隨即亦回覆：「女朋友，祝你青春永駐！財源廣進！🐲🧧💰」 勾起網民對《使徒行者》嘅無限回憶🥰。
上月頒獎禮時，林峯仲現身為阿佘頒獎，仲指阿佘係同佢演過最多次伴侶嘅拍檔，最後更叫阿佘「女朋友」同畀心心，而阿佘都畀心回應🥰。今次兩人有愛互動再次引起轟動，網民表示諗返起《使徒行者》嘅釘姐同爆SEED：「超掛住你哋CP」、「好甜」、「使徒CP返嚟喇！」、「期待你們再次合作！」