李泳豪透露李家鼎最新狀況 有信心與父親共度財困 直認未知施明安葬地點

日前李泳豪獨家接受TVB娛樂新聞台的訪問，透露李家鼎身體有好轉，「佢依家休養緊，好咗好多，但都仲需要時間，畢竟佢都老啦。」又指早前鼎爺暴瘦的位置，例如臉已經慢慢長肉，因為之前胃口不佳而食不下嚥：「佢之前係完全冇胃口，就算我哋帶佢出街食飯或者我太太煮飯畀佢食，佢可能食少少就飽，因為佢冇乜心情食嘢，但依家就調理緊，開始有番胃口。」

他續說：「佢仲對食有啲要求，鍾意食鴨腿湯飯、燒味飯，但係就百厭唔肯食菜。我啲 auntie都會間唔中過去探佢，煮咗啲芥蘭畀佢，跟住我auntie都話：『你老豆開始真係返嚟啦！』佢話啲芥蘭苦，要落啲糖。」

李泳豪又指有向李家鼎表示很多人關心他，「唔只係TVB啲同事，成個香港人都係好支持你同好擔心你，希望你振作，希望你身體好。我都收到好多 message，有啲人話煮咩俾阿爺食好」又指鼎爺已做身體檢查，沒太大問題，只是吃得不足，營養不良為主。

至於早前李家鼎公開表示李泳豪是自己的遺產執行人，對此他說：「我多謝爸爸信任，佢覺得自己年紀大驚擔心自己處理唔到。雖然Daddy依家嘅財政係辛苦，好彩係我仲開緊工仲搵緊錢，暫時仲應付到，我哋都要take care爸爸。佢好為啲仔女去諗，唔會要求你買咩畀佢，又或者去邊度食好嘢，你知阿爺佢去到邊度食嘢都開心，都同人傾好多偈，大排檔又得，我哋兩父子不嬲都係咁樣。」

談到關財政安排，李泳豪指已經交由律師或會計師去處理，自己則繼續開工賺錢。

談到施明的安葬地點時，李泳表示自己仍不知情：「好多謝有心人有 send message畀我，話我哋可以透過咩途徑去邊度問，我依家仲問緊，試咗先，如果唔得咪就係再靠自己同嗰啲觀眾提供畀我嘅資料去問。」