曾展望親回同居葉蒨文傳聞！感謝網民力撐一句盡顯暖男一面：我希望佢可以...

點讚

撰文：柔娛絲

發佈日期：2025-06-10 05:24 更新日期：2025-06-10 05:26

曾展望在《女神配對計劃》節目公開追求葉蒨文引起全城熱話！日前有網民在社交平台爆料，指兩人早已經是情侶，半年前已經見到兩人同居荃灣Apartment，並經常在荃灣見到兩人拍拖。

曾展望接受tvb.com訪問否認傳聞：「我都想，邊有咁快，啱啱先係節目認識追求中，同埋我都唔係住荃灣區，我亦都係同屋企人住。」

不過對於很多網民相當關心他與葉蒨文的感情，並祝福他成功追到女神，曾展望直言：「大家咁支持我真係受寵若驚，最尾結果係點都好，我都覺得係贏晒。」

他自言順其自然，望大家給予空間葉蒨文，不想對方感到有壓力，只想她開心選擇自己的幸福：「我始終未追到，都係啱啱開始，雖然我見到大家都好祝福我哋，但我希望佢可以冇壓力揀一個自己認為開心幸福嘅選擇，希望佢唔好因為群眾壓力而覺得好似要揀我，總之無論係點，我都好多謝大家同一定會比心機。」

另外，曾展望亦在社交網發長文感激大家的支持和愛錫：「直程連個仔嘅名都幫我改埋 😂例如，曾天行(在人生道路上航行充滿展望與未來😂) 有心程度係誇張，我已經贏哂大家滿滿的愛好感動。承蒙大家既厚愛，好猛烈，坦白講，好開心但都有少少壓力，壓力在於大家既期望。」

曾展望自言參加得節目就「食得咸魚抵得渴」：「但對女仔嚟講可能會有啲不知所措，好似已經幫佢篤定左我，我想佢可以放鬆地作出自己開心嘅選擇，希望大家可以比啲空間我哋啦。Btw 琴日我一個鐘賺左38萬(stickers) 都算係我人生創舉，多謝奇情谷既朋友❤️」。

主頁