TVB綠葉轉型做正骨師傅？親揭拜師學藝原因考獲多個牌照手持10款車牌

點讚

撰文：柔娛絲

發佈日期：2025-05-26 10:30

TVB綠葉方紹聰（奶仔）除了拍攝《特技人》、《堅離地愛堅離地》、《食腦喪B》等而為人認識外，更主持《野外步出》令人印象深刻。

近日他在社交網分享到吉隆坡拜師學藝，學習按摩推拿和復位治療片段。片中可見奶仔跟師傅學習診斷病症，正確姿勢及用力幫客人復位，而其首位客人是身材健碩的男士，期間奶仔更要抱起對方進行復位，見他谷到面紅紅喘氣不斷，但依然很留心聽師傅講解學習。

奶仔接受TVB.com訪問親講拜師學藝原因：「因為我好鍾意學新嘢，又成日做運動，加上依家我係滑雪教練同潛水教練，好多時啲學生都會有啲傷患，如果學識呢啲技巧，可以即時幫佢哋急救舒緩痛楚，咁係非常之好。」

他又指最近開始減重學健身，明白到筋骨是十分重要，「我自己本身都因為做好多唔同嘅運動，身體亦有好多問題，試過呢一套手法後，覺得真係好有幫助，所以好想學習幫到更多嘅人，同埋，我覺得人一定要不停增值自己，亦希望公司見到我嘅努力。」

奶仔自言十分榮幸能跟師傅Master Chris學習：「相信喺復位界好多人都認識佢，再加上佢嘅品牌喺國際非常出名，能夠同到傳奇級名師學習，我都會好努力去做。（點樣認識師傅？）有次我去佢哋中環嘅舖頭畀佢嘅徒弟做復位治療，痛楚舒緩咗好多，感覺好好，跟住朋友機緣巧合下就介紹師傅畀我認識。」

其實奶仔一直相當好學，曾透露考了公共巴士牌照，現手持10款車牌，又有二級船牌、三級山藝、潛水教練牌和滑雪教練牌，非常厲害。

主頁