/public/tvbcom/article/images/202602/eee9227c-2306-4f9a-bdb2-e975469a0dbb.jpg)
方力申自榮升人父後，有女萬事足，不時分享與女兒的點滴。今日（26日）他再大晒與囡囡合照發長文分享成人夫兼人父的感受。
方力申自言做了近3個月的爸爸，感受多多，「如果人生係一場遊戲，單身嗰陣我覺得自己都幾好，工作穩定，有過啲成績，自己同父母都健健康康，呢個遊戲玩得幾好！但結婚後，我發現呢個遊戲突然難咗好幾級！」
延伸閱讀：方力申晒與囡囡餅印照 太太一句話超搞笑：邊個話我個女似我㗎？
/public/tvbcom/article/images/202602/4228e4fc-b904-40ed-bf56-031bc5e8f7f3.jpg)
他明白到結婚後要好好實踐一生一世的承諾，再加上女兒出現要做得更好，「『養兒一百歲長憂九十九』」呢句說法，完全中！各種計劃、擔心不斷湧現，唔只係我，仲有我太太一齊經歷，令我覺得未來呢個旅程係一定會更加刺激，心入面緊張得來，又充滿期待！」
「每個人都有唔同選擇去過人生，單身，就係將「自己」活出極致，結婚生小朋友，就係將『我』變成『我們』。」
+1
方力申更宣布囡囡的中文名為「方愛嘉」，背後甚有意思，「揀『愛』字係因為我屋企房間門口有兩幅書法分別係『愛』同『家』。對我嚟講，家庭係最重要，『愛家』係我生活嘅重心。而且『愛』嘅普通話發音又可以同Isla呼應。至於『嘉』字，係老友陳定幫師傅幫我哋改嘅，發音亦係同『家』字一樣。」
他續說：「我哋嘅家庭Family，F代表Fong，A係Alex，M係Maple，I係Isla，L係未來嘅寶寶，Y係Yip，既然中英文意思都咁夾，所以就乾脆叫佢愛嘉啦！Isla 愛嘉，爸爸今日嘅願望就係希望妳能夠一生平安、健康、快樂！（其他就隨緣啦）」似乎方力申已為下胎做好準備，不少圈中好友也指感受到其那份做爸爸的喜悅之情。
