/public/tvbcom/article/images/202508/f8e70c1e-f416-4765-8026-95eba21f1680.jpg)
45歲的方力申日前在新加坡舉行的世界先進游泳錦標賽以2分16秒84勇奪男子200米背泳45-49歲組別冠軍，為港爭光，不愧為前港隊「飛魚王子」，認真厲害！
去年奪得1銀1銅的方力申今年合共參加4個項目，而除了200米背泳之外，他還奪得了400米混合泳冠軍，以及在8月11日角逐200米個人混合泳亦游出2分16秒50率先觸池，比亞軍的羅馬尼亞代表Tudor Ignat（2分18秒07）快了1.57秒，勇奪第3金。方力申於8月12日會出戰最後一項－100米背泳，有力完成四金壯舉。
方力申日前在社交網發文指自從2018年計劃並完成參與45公里環島泳籌款挑戰後，便重新愛上返游水。
延伸閱讀：方力申帶太太葉萱見「奶奶」新婚夫婦罕公開合體 一動作盡顯默契
/public/tvbcom/article/images/202508/be625c8d-a58b-4d30-bcc5-15bfa06abc79.jpg)
自此他堅持每星期三次早上跟泳隊，6點幾起身練水，自己又會再游多三、四次，「2020年，我返番去泳池比賽，2023年首次參加世界先進游泳錦標賽，喺福岡舉行。200米背泳得第六名，2分21秒，2024年多哈第二名，2分19秒， 到今日新加坡，第一次攞冠軍，雖然精彩但都有運氣。」
方力申強調若果不是環島泳，絕對不會再游返水：「我以為我係永遠唔會再鍾意返游水嘅，因為我知道無論我點樣游，我都冇可能快過我以前啲時間。但其實唔一定係咁嘅，只要我肯放低我嘅一啲執着，淨係諗住做我自己鍾意做嘅事，咁樣開始，我就唔會有壓力，冇壓力就開心，開心咪繼續游囉，游得多咪會進步囉，起點低唔緊要㗎，個進步咪會仲明顯囉，咁有進步喇，個人咪會仲開心啲，咁都咁開心喇，咪會再練多啲囉，就係咁㗎喇。」
他指對於有首金成績感滿意：「我今次游出2分16秒，相差世錦賽大會紀錄1秒幾，都好好，亦比40-44歲組別的冠軍快少少，我好滿意，非常感恩，目標達成了，付出過嘅努力，幸運地，今次係有回報。」
另外，方力申很開心全家人能見證其奪得佳績，「好開心嘅係我爸爸媽媽，細佬，太太同埋入面個baby都喺現場見證住，好圓滿。」
而其太太亦有上載老公的獎牌照，為他感驕傲！
