:quality(80)/public/tvbcom/article/images/202601/a8cfd721-8613-4dc1-a52b-42a2480509ee.png)
戴祖儀在社交網發警世文，指自己疑陷入騙局，她留言：「估唔到會發生喺自己身上，話說我都係一個私隱達人，所有連結都唔會求其撳，冇電話顯示嘅來電唔會聽。」
惟發現電話賬單多了幾單不明收款，「電話賬單都係俾人盜用咗3000幾，百思不得其解下打電話去電話公司，佢話最近好多人都查詢呢樣嘢，真係好多人都俾人盜用。」她指是十幾筆於Apple Store購買的款項，「係嚟自Apple Store 十幾筆既288，然後打電話去Apple處理，Apple嘅處理好好，了解返十幾筆嘅號碼，然之後就幫我申請退款，48小時就可以攞返筆錢。」
戴祖儀最後提醒大家：「然後佢同我講，而家好多人都係用電話號碼連接Account，咁啲騙徒唔知點解好容易就拎到個電話號碼，連接到付款message，就可以用你Account洗錢，只要你喺Apple Store度改返唔好拎電話號碼付款，最好用返信用卡等方式，就唔會有呢個問題，覺得好需要話俾大家知，同埋大家如果見到288嘅收費，記得了解清楚係咪你本人用。」
