張馳豪新歌《樂活道》與女主角跳火辣貼身舞 自爆被嫌「不夠曳」

Aska張馳豪推出全新單曲《樂活道》，作為他第三首跳舞歌今次一於「變曳」去突破自己。MV有600萬粉絲的網紅貓爺客串，而Aska與女主有火辣貼身舞，更有近距離親密鏡頭，畫面挑逗得讓人看得心癢癢。

延伸閱讀：飛常日誌II｜戴祖儀主動追問「你Like me?」 張馳豪反應回覆笑爆嘴 網民力讚勁有CP感

雖然Aska在MV中型仔兼表情殺食，但當時他原來抱病上陣，開拍前還要食退燒藥，他說：「連續幾日發燒，今次真係頂硬上！好耐未試過病到咁嚴重，平時我都唔睇醫生，之前小病都係食成藥休息下就好，但係今次真係太辛苦。」

雖然身體抱恙，但Aska沒有怠慢，為求有好表現前一日仍在加緊排舞，他說：「今次隻舞好多footwork，練咗2、3個禮拜，對我嚟講係個新挑戰。(你病住仲咁chur夠唔夠休息㗎？)休息都夠嘅，呢幾日盡量瞓多啲，同埋有戴Sleep Tracker(戴睡眠追蹤器) ，佢話我呢兩晚係特別差，雖然瞓嘅時間好多，但係壓力高又深度睡眠好少，佢都真係幾準，哈哈！」他續說：「今次MV仲要拍到凌晨，都係靠腎上線素頂住撐住，只要一唔roll機我就休息保留體力。」