張與辰推出新歌《獨居的儀式感》 獨家爆MV女主角係女神級人馬：有好特別嘅魅力

今次張與辰的新歌MV首次有女主角現身，便是憑《女神配對計劃》人氣急升的李芷晴，二人在MV中演一對甜蜜情侶，惟最終無奈要分手收場。

張與辰接受tvb.com獨家訪問坦言當得知MV女主角是李芷晴時感到興奮期待，「我有睇《女神配對計劃》亦有留意佢，平時我哋都少機會喺公司撞到，就算見到面都只係點頭打招呼，所以今次可透過MV認識合作，真係好期待。」

他大讚李芷晴除了樣子漂亮，更有特別的魅力，不愧為女神，故要與對方演情侶也感到緊張，「因為啱啱認識就要演情侶，初時都有啲擔心，驚唔知會唔會尷尬，但芷晴好快投入到個角色亦帶動到我，令我覺得真係有一對情侶嘅感覺，所以大家喺啲比較親密嘅鏡頭都好自然，演得好舒服，畫面都好柔美。」

至於李芷晴自言很榮幸能參與張與辰的MV，「我一直都有留意佢啲作品 ，覺得佢好charm同有舞台魅力 ，所以今次能夠一齊合作 ，真係非常開心 。」

對於今次首度拍MV兼要與對方演情侶，她同樣直認初時大表緊張，「但與辰好友善同專業，亦都好照顧我，所以我哋都好合拍，喺唔同嘅場口都展現到好sweet嘅感覺，希望大家睇嘅時候都感受到我哋甜蜜嘅氛圍。」

另外，除了李芷晴外，曾參選港姐兼國寶級鋼琴大師劉詩昆高徒的賴佩琳亦有份參演MV演出。