廖慧儀感觸完成慈善5K跑 曾飽受十字韌帶嚴重撕裂 傷患不斷復發：原先的工作換人

廖慧儀向來熱愛運動，近年她更愛上跑步，日前她網晒多張跑步照，原來她完成慈善5K跑兼奪牌，認真厲害！

完成今次的賽事，廖慧儀亦相當感觸，全因她曾經歷過十字韌帶嚴重撕裂，由完全不好跑步到愛上跑步，當中困難重重。

她細說當時受傷的情況：「三年前因為工作由零開始學踩滑板 ，突然間一個急停差錯腳仆咗落地，『Park』一聲扭傷咗右腳膝頭哥，痛到忍唔住大嗌… 真係好痛!!!!!!之後好快坐輪椅上白車睇急症，去見醫生、照X-ray ，骨無斷到⋯［好彩］再去私家排隊照MRI，報告出了，係十字韌帶撕裂第三級（韌帶完全撕裂）。不過就未去到斷咁嚴重［絕對係不幸之中的大幸］。」

雖然十字韌帶沒有斷，但迎來的依然是漫長的康復過程，更影響工作：「當時拎住兩支柺杖、行路勁緩慢，經常出門都係帶著一堆檢查報告、醫生紙，跛住走勻唔同醫院& 診所，複診& 做rehab，睇晒中醫、西醫（物理治療、骨科），可以做嘅都做晒，只能夠休養一下。原先的工作換人了，接下來兩個月的工作也無奈煞停。」

延伸閱讀：廖慧儀做Gym晒成果 騷強勁背肌手瓜起𦟌 親揭成功秘訣

廖慧儀指舊患復發得最嚴重的一次，是去年到新西蘭拍攝港女野人season 2：「喺冰川登頂後，傷患膝頭+無傷患膝頭一齊痛。頂唔順食Panadol扮無事發生，捱埋回程嘅5小時落 base camp再落返山，就咁完成咗極chur 玩命21日嘅拍攝。之後帶住舊患跛住去機場、跛住上飛機、跛住返香港、再跛住返屋企。」

她指由韌帶撕裂後到今天已有三年多，今年由一個完全不好跑步的她，變成一個跑步迷：「仲跑咗個人生第一次咁認真跑嘅5KM ，仲傻更更拎咗獎都唔知搞到無上到台攞獎，剩係拎咗參賽者個牌就走咗。」

她續說：「最近為咗練跑，召集身邊朋友一齊組隊周街跑，呢個轉變感覺好神奇。一開始嘅我好卻步原因係一嚟跑步好悶，二黎一跑舊患又復發，跑5k 都已經痛到頂唔順，之後我的起心肝準時食Supplement，保護關節+做負重+ pilates+一星期練2日跑+比自己休息夠，依加真係無再痛了，超級超級感動，好想多謝每個曾經及將會陪我練跑嘅你地wohooo一齊加油。」