帶阿姐看世界｜ 汪明荃正日生日入電視城開工 周嘉洛阮浩棕驚喜現身送蛋糕 齊齊獻吻祝賀

為了幫Liza姐慶祝，劇組找來之前陪Liza姐看世界的周嘉洛和阮浩棕，捧著Liza姐最愛的「太陽花蛋糕」突襲錄影廠、為Liza姐送上驚喜，二人還應Liza姐要求，一人一個「肉嘴」，兼全場為Liza姐唱生日歌，場面溫馨又熱鬧。至於因工作關係不在香港的周奕瑋，則透過視頻「隔空」祝Liza姐生日快樂，相當有心！

汪明荃事後受訪時，笑言拍畢《帶阿姐看世界》後經常掛住周嘉洛及阮浩棕，故今日見到二人十分開心。三人受訪期間互笠高帽，Liza姐感激二人在行程中對自己照顧有加，而出名口花花的周嘉洛則回敬:「阿姐先係照顧我哋嗰個呀！」周嘉洛又講笑謂自從與阿姐看過世界後，為人變得更有內涵：「大家知我出名冇內涵，但認識咗阿姐之後，就明白到原來有涵養嘅人係咁樣，所以我之後都有睇多啲書。」

至於阮浩棕則大讚阿Liza姐專業又捱得：「因為我哋喺摩洛哥拍攝時，撞正歐洲熱浪，最熱 44度。我記得Liza姐完咗個Trip，落機第二日仲可以完成一個大型Live Show，真係好犀利。」Liza姐聞言接著說：「係呀，我最記得我哋喺沙漠執啲沙摸上手係滾嘅，可以煮熟蛋咁滯。」