/public/tvbcom/article/images/202601/03f8466b-babf-437b-9f36-b964d9d21e1e.jpg)
《尋秦記》昨日（31日）正式上畫，日前在尖沙咀星光大道舉行盛大首映禮，古天樂、林峯、宣萱、郭羨妮、滕麗名等主演悉數到場，場面星光熠熠。宣萱當晚以一身鮮明色彩的穿搭亮相，橙色針織衫配綠色襯衣，再加上酒紅色長褲，造型搶眼。
有觀眾睇到即刻聯想到《愛‧回家之開心速遞》裡的「群姐」，因為她的經典制服同樣是橙色外套配綠色上衣，兩者撞色效果令人覺得似曾相識。網民更把兩人造型放埋一齊對比，笑言「宣萱今日好似群姐上身」、「幾時宣萱轉咗去做清潔」。
討論愈傳愈熱，有人甚至改圖將宣萱放入「接龍清潔部」場景，玩味十足。宣萱見到後亦冇避忌，親自留言「正」，大方同大家一齊玩！
/public/tvbcom/article/images/202601/2b2a38fe-38c7-4e22-a964-cb0e35ac6e16.png)
