:quality(80)/public/tvbcom/article/images/202609/c7bd75eb-9cf0-4447-8657-d9e49fd34e4c.jpg)
容天佑與圈外太太WInnie於2025年11月共諧連理，今年5月他「升呢」做爸爸，B女出世，一家三口幸福美滿。日前WInnie在社交網發長文大吐苦水，大爆工人姐姐趁她離港出 Trip，精心部署走佬計劃，最後更留下一屋爛攤子，令她極度崩潰。
延伸閱讀：愛回家之三代同糖｜容天佑抱B女睇劇本勁得意 囡囡一特徵獲讚有演戲天賦
/public/tvbcom/article/images/202609/cded1cd1-0629-4181-b4d4-cd44979058df.jpg)
她出Trip的第一天，透露夜晚 11 點，老公容天佑收工返到屋企，竟然發現工人姐姐不見人，「我WhatsApp佢問佢安唔安全，有冇事，佢已讀不回。第二日我繼續WhatsApp佢，變咗一個剔，打電話都唔通，我又身處海外，一路做嘢一路擔心佢有啲咩事。去到第三日，我都如常每隔一個鐘就打俾佢同WhatsApp佢，去到下晝，佢終於都覆我訊息！！！」
WInnie透露工人姐姐稱自己「一路都喺香港」，要求等女主人返港才解釋，「然後有另一個香港人拎咗佢個電話聽，佢同我講，hello我喺香港國際機場嘅地勤人員，你姐姐飛咗去某一個地方，但係俾人遣返咗，所以姐姐唔知道依家應該去邊。」
她自言一早心裏很有數，得悉工人姐姐有預謀走佬，幸好其一早安排女兒到她母親家中，「因為佢走佬嘅嗰一晚，我老公見到佢個櫃入面已經冇乜嘢，淨係留咗一杯飲剩嘅咖啡同埋食咗兩啖嘅方包擺咗喺枱面。當然，佢本身諗住走佬嘅話，我唔會想佢返屋企(好彩我離開香港嗰日，我將我個女帶咗去我媽咪度，屋企得反兩隻狗急到瀨咗尿嘅狗）所以我叫佢去agent度，等agent安排。」
她指工人姐姐平日工作態度極差與欠缺衛生，姐姐留下的爛攤子更令其極度崩潰，「佢喺BB房倒瀉咗咖啡，冇抹返乾淨不特止，仲惹到成地都係蟻，所有尿片，同埋其他BB嘢都佈滿蟻，牆上面同埋地下已經有漬同埋好臭。基本上所有尿片都唔用得，成間房要反轉重新清潔，滅走晒啲蟻。」
除此之外，工人姐姐更透過過 Agent 要求容太「即刻買機票」讓她翌日返回菲律賓，「依家請工人真係好難，請到好工人真係要好好珍惜😢僱主太無保障了。File入面嘅合約又唔見埋 ，希望一個月後唔會收到收數公司嘅信啦！」帖文一出後引起不少網民留言，「好慘呀」、「依家請好嘅工人姐姐真係好難」、「真係好過份」。
