姚焯菲自爆曾情緒崩潰陷自我懷疑萌退意 靠初心堅持追夢：捱過去先可以去下一步

姚焯菲即將離港赴美升讀大學，近日接受電台節目訪問自爆曾陷入自我懷疑，萌生退出娛樂圈想法。

她直言曾因兼顧學業與歌唱事業，承受巨大壓力，並指在新西蘭讀書時，曾一度陷入崩潰，「我喺新西蘭讀書嘅時候覺得唱歌同讀書，兩件事一齊做好辛苦。」

她又指曾因負評影響，被人指「你點做都唔會成功」、「點唱都係咁難聽」，令到不斷懷疑自己，「自己都會諗佢都講得啱，呢個世界叻過我嘅人有好多，其實我係咪唔適合喺呢個圈呢？我係咪好似霸咗個位？我係咪應該退出呢？」

不過最終姚焯菲靠初心堅持追夢，「因為呢樣係你追夢嘅一部分，你要捱過去先可以去到下一步，慢慢搵番自己嘅初心，諗番其實我係適合去做呢件事。」