女神配對計劃｜羅毓儀自揭參加節目原因 感謝大家鼓勵：多謝你哋告訴我的好

她又指感謝製作團隊嘅每一位的照顧，令其感受到很大的安全感：「由casting到拍攝，成個過程都俾咗我好多照顧同安全感，等我可以用最真實嘅自己去經歷呢段特別嘅旅程。雖然有時會緊張到手心冒汗，但都係好寶貴嘅經驗。」

羅毓儀指很多朋友問其有否成功配對或是否有劇本等的問題：「我明大家好好奇㗎！但容我賣個小小關子先～ 節目仲播緊，希望大家繼續追落去，同我一齊見證發展啦！可以透露嘅係... 每一個相遇都有佢嘅意義，我真心感激每一位願意敞開心扉、真誠交流嘅男嘉賓。❤️ 無論結果如何，認識到佢哋都係緣分嚟㗎！至於劇本嗰方面，我都希望係有嘅，因為如果係有嘅話我覺得我場戲都真係做得幾好，可能有機會攞獎🤣不過可惜嘅係冇劇本」。

最後她自爆參加今次節目原因：「好多謝你哋話睇到我嘅勇敢同真誠。💖 其實我都會怕醜、會猶豫㗎！但今次鼓起勇氣跳出Comfort zone，就係想俾自己一個機會，去探索更多可能性。無論係愛情定係認識自己，都係一好值得嘅探索。你哋嘅每一句鼓勵，都係我最大嘅動力！🥰最後，想講... 感情嘅嘢，隨緣份亦隨心。」

她叫大家一定要繼續收看節目，「再次多謝每一位收睇、留言、同支持《女神配對計劃》嘅你！🙏 你哋嘅聲音我都有睇到㗎！繼續攬住個電視機，鎖定節目啦，之後仲有好多溫馨同傷感的內容！🥰 一齊期待下啦」。