奪命提示劉佩玥貼花絮賣萌戳臉甜度爆燈 自揭劇組演員一舉動勁窩心

劉佩玥（阿Moon）在新劇《奪命提示》中飾演火爆霸道「Madam姜」，劇中造型多變之餘，動作場口連連演技亦有大發揮，不少網民都大讚其又型又靚。早前劉佩玥接受訪問時，更透露今次在劇中與陳山聰有複雜感情線：「新劇嘅角色好勇敢，好嚴肅嘅Madam，喺套劇裏面唔會好得意同埋成日笑。有好多懸疑同埋動作嘅戲，我同陳山聰喺裏面有好多感情嘅瓜葛，但係都有怨恨喺裏面。」

延伸閱讀： 奪命提示劇情及演員名單｜全30集劇透懶人包（持續更新）陳山聰/張振朗/劉佩玥/劉穎鏇 破高智能懸案

劉佩玥日前（22日）於IG分享一輯《奪命提示》花絮感謝網民與觀眾的支持。相中可見，劉佩玥身處隧道之中拍攝，開心擺pose，好心情表露無遺。另外，她又對鏡嘟嘴比V字手勢，用戳臉閉眼甜笑，甜度爆燈！劉佩玥透露儘管有時在放飯時間選擇補眠，也仍然有一班暖心同事向其「投餵」或「留飯盒」的舉動，令她感到非常窩心。陳山聰即留言大讚：「好靚吖」，網民看完也紛紛表示會繼續支持「姜姐」。

完整帖文如下：

小花絮分享

1+2。好開心喺隧道入面拍攝，成個細路仔咁又跑又跳，完全唔記得係凌晨時分

3+4。拍攝後段每一日都幾乎有好沉重嘅場口，好多時間都係收埋自己喺一二邊，難得可以輕鬆笑吓就拍個照先

5+6+7。有時放飯時間選擇眠一眠嘅姜姐，有好多好同事好朋友會留個飯或者買嘢食比我，好感動，多謝大家錫我

8+9。我幫你影張咁型嘅相，你睇你影左啲咩 @joelshanchung

仲有好多相要post，我同姜姐會一路陪住大家

請大家今晚8:30繼續多多支持 #奪命提示 ！