周吉佩突擊上門慶生搞喊魏嘉信 中年「喊包三兄弟」合體畫面勁有愛

適逢8月17日是魏嘉信生日正日，兩位好兄弟為此特別準備神秘生日驚喜，相當有心。周吉佩於社交平台上載短片記錄，並留言祝福道：「嘉信，生日快樂！呢單突擊上門慶祝任務，有Benson同Fion協助再有Louise 同Jammy 裏應外合大成功！！」片中可見，周吉佩先是興奮對住鏡頭宣布神秘任務：「今日有個秘密任務，8月17號就係Cris魏嘉信生日，我哋接咗Benson同Fion，跟住之後一齊攞個蛋糕，再撳佢門鐘，Surprise！Happy Birthday！」

原本一本正經坐在沙發上的魏嘉信，見到手捧生日蛋糕及唱生日歌的一班好友突然現身，表情充滿驚訝，之後更感動到眼濕濕：「真係估唔到，太驚喜，因為其實我諗我結婚之後，我都未試過夜晚有倒數，已經習慣喺自己屋企，所以今次係非常之surprise！」

魏嘉信亦再次留言感謝大家，令其度過一個相當難忘的生日：「多謝兩位兄弟、兩位姊妹 + 太太嘅完美計劃，一整日完全被蒙在鼓裏😂我個樣呆足咁耐係因為我用咗10分鐘先至相信呢個係事實，實在係內心興奮，感恩有你哋🥰今個生日非常難忘🙏🏻」網民亦被溫馨的氛圍打動，紛紛留言大讚三兄弟好有愛：「喊包三兄弟友情常在」、「三兄弟真係好好感情，睇到我都有啲眼濕濕添」等。