周吉佩為仔女炮製驚喜之旅 開估一刻真實表情萌爆 網民激讚勁有心思

不時在社交平台分享家庭溫馨日常的周吉佩，日前（16日）在IG上載一條短片，親自為寶貝子女炮製驚喜之旅：「見到子女開心，父母就開心，開心其實好簡單。」片中可見，吉吉同太太先是對兩個小朋友隱瞞目的地，太太興奮表示：「唔話俾佢哋聽，偷偷地準備好晒，帶佢哋去旅行，其實我已經執好晒佢哋啲嘢，佢哋唔知，好想知佢哋陣間嘅反應係點」，直到最後開估一刻，囡囡驚喜直呼：「我估到你哋㗎」，而吉吉則寵溺地撫摸細佬下巴道：「玩啲激動遊戲啊」，囝囝的真實反應萌爆網民。

吉吉最後在片尾感性留言：「去邊唔重要最緊要佢哋開心，作為父母嘅我哋就心滿意足」，惹大批網民盛讚「父母典範」：「好sweet吖」、「兩位好有心思」、「你同吉太真係係係好爸爸好媽媽」。