呂慧儀為仔仔炮製多種愛心飯盒 被對方一句話感動甜入心：盡力放入我最真摯的一份愛

日前呂慧儀在社交網上載一段為蟹籽弄的愛心飯盒片，片中可見，她每個飯盒都不同特色，又會配搭水果，相當健康，隔着個Mon都流晒口水。

呂慧儀發文表示：「我唔係特別熱愛煮食，純粹想趁你仲喺小學這幾年，盡量親手做每一個午餐盒俾你。可能你再大個啲會唔再需要我整飯盒，所以我想記下為你做午餐的時刻。」

她指蟹籽相當有心，記得媽媽弄的每一個飯盒：「你竟然每一個都記得，仲會話畀我聽你最鍾意食邊啲。你話我整嘅飯盒同姐姐整嘅唔同，你記得食咗幾多，甚至會同同學分享你最愛嘅一份。」

呂慧儀更指囝囝一句話令其十分感動，「記得有一次你放學話我聽： 『同學好羨慕媽咪會寫紙條俾我，仲話我個飯盒好正。』嗰刻，我心入面暖晒。」