:quality(80)/public/tvbcom/article/images/202608/6db19711-6cd3-4fe0-a61e-598db3dc15b6.jpg)
呂慧儀早前完成《愛．回家之開心速遞》後，孖愛子「蟹籽」去加拿大探親，更參觀當地名校卡加利大學，令網民猜測她為兒子到外國升學鋪路。
延伸閱讀：呂慧儀晒海量花絮照告別《愛·回家》 引爆網民集體回憶：感謝9年陪伴！
:quality(80)/public/tvbcom/article/images/202608/8321ceb3-2788-4587-8cb2-96ab2a022f59.jpeg)
她在社交網分享參觀卡加利大學的片段，發文寫道：「我相信教育亦是開啟未來的鎖匙，這次出行也想讓蟹籽在玩樂中有點學習的氛圍。📚我們參觀了卡加利大學，讓蟹籽感受一下大學校園的氣息，學校有不同的暑期活動讓小朋友參加。」
她指也有參觀他們的工程學院，「在漫長升學路上再汲取多些資訊，的確是一個不錯的旅程。✈️一份工作完結之後就是新工作的開始，我享受工作，也享受生活，今天晚上，還是要愛回家呢❤️。」
片中可見，「蟹籽」的背影已經十分高大，兩母子溫馨拍照留念，亦參觀了大學不同的地方，相信過了一個美好的時光。
+2
談到此行特意參觀卡加利大學，呂慧儀接受tvb.com獨家訪問說：「因為卡加利大學有好多學院，我想睇吓佢哋嘅工程學院同我以前讀嘅有咩唔同，感受外國大學嘅氣氛見識吓。」
她續說：「暑假漫長，難得有機會出外都想畀蟹籽見多啲感受多啲。除咗為我嘅教育中心做資料蒐集，亦希望將來有需要嘅時候可以畀多啲有用嘅意見畀蟹籽，始終小朋友成長必經升學嘅階段，我自己識多啲都係有幫助。」
問到她是否有意安排兒子到外地升學，呂慧儀說：「暫時都會留喺香港讀書，睇吓將來佢會唔會想出國留學，雖然我自己就好想佢可以喺返香港讀科技大學，咁我就可以做佢校友。但係未來嘅嘢都未知，所以我要做定準備功課，自己知多啲先。」
她又指「蟹籽」十分喜歡科技大學，「之前佢同我一齊返科技大學嘅校友活動，佢話佢好鍾意我間學校，好大好靚。但距離佢讀大學都仲有啲時間，都要睇吓到時佢想讀咩學科。」
