吳若希泳衣上陣玩轉印尼 嘆結婚周年旅行老公「消失」：我同另外一個男人玩死自己

吳若希（Jinny）近日去到峇里島觀禮，又在社交平台分享了一條網紅轉場片，紀錄上山下海的奇妙旅程，當中更有泳衣造型！

不過本身要和老公慶祝結婚周年的吳若希就話：「結婚八周年，同另外一個男人玩死自己。上山下海乜都齊，攰到七彩。我終於知道，點解何生要喺結婚周年嗰日消失～可能就係知道行程太攰，所以扮晒嘢話簽證唔得～」，非常鬼馬。