吳業坤35歲成功追夢入港隊 參加空手道亞錦賽 自知水平未夠仍參賽只為一原因

日前吳業坤在社交網透露入選香港初級代表隊，並首度代表港隊出戰於烏茲別克斯坦舉行的亞洲空手道錦標賽（AKF）選拔賽，他代表港隊角逐男子84公斤以上級別個人組手，雖然首仗不敵越南選手，惟他絕無後悔參加今次賽事。

吳業坤自言入選港隊是其目標之一，在35歲能夠成功圓夢，對其而言已十分滿足，「有一日問師傅：『你估我三字頭仲有冇機會可以入到港隊呢？』除咗考黑帶，我哋亦都向着呢個目標進發。上年年尾第一次打公開賽攞到成績，終於可以入到香港空手道初級代表隊，到今次烏茲別克舉辦嘅AKF 有選拔賽，師傅叫我去打多啲本地比賽攞多啲經驗，就膽粗粗去參加+84 個人男子組手選拔賽。而好彩地比我合乎咗資格。」

他指明知水平未夠兼有機會受傷，仍堅持參賽，全因「唔知仲有冇機會可以代表香港出賽」，故吳業坤決定再任性一次：「感謝各位大老比我唔錄歌住拍劇請假去左9日，亦都多謝隨團教練同隊友嘅接納。」

最後吳業坤表示比賽過後更感覺到自己的渺小，「雖然輸了但果種痛快是無可取代的，一日仲郁得我都會練得再好啲下次再打得好啲。」

他很高興表示「『我係香港運動員』（兼職）」。很多網民大讚他非常叻仔，更指為他感驕傲！