/public/tvbcom/article/images/202512/f38dca1b-e835-4c30-a841-812d233aaad1.jpg)
前港姐季軍吳文忻3年前確診乳癌，去年復發後癌細胞變異並擴散至尾龍骨，病情惡化至第四期，惟她一直樂觀面對。近日她接受電台訪問，為新歌《重新》宣傳，更透露抗癌辛酸事。
延伸閱讀：吳文忻抗癌3年再入院進行第8輪化療 成日被問1件事感無奈：真的不想再答！
/public/tvbcom/article/images/202512/c0960a86-aa2d-4e2f-89c7-718d6a960c89.jpeg)
吳文忻指在抗癌期間，察覺自己仍有許多夢想未完成，於1月2日拍片許願，但一直未上傳至社交平台。直到2月病情突然惡化，需住院16日，她憶述當時情況嚴重：「當時心積水、肺積水，行動都唔方便，出醫院後所有夢想都放低咗。慶幸靠自己努力意志拉筋，起碼做返個正常人先。」
她又指當時狀況差到需以輪椅代步，「我係直情神經痛到個人拉唔直，因為cancer入咗尾龍骨，個cancer唔知關唔關事，做電療後個人係坐唔直，每日起身擘大眼就係痛囉，每一個動作都係痛，好彩慢慢一路靠其他輔助治療，仲靠自己每日拉筋，每日好啲每日好啲，幾個月後可以正常出返街，可以行到。」
+1
病情好轉後，吳文忻一步步實踐夢想，先推出自傳《因愛．重生》，後來更有機會可錄製她的新歌《重生》，一圓歌手夢。而她的兩名女兒Scarlet和Season則合唱英文版《Bold Mommy Bald Mommy》。
吳文忻提到當初懷著沉重心情向女兒解釋媽媽患癌，女兒卻笑著問：「可以幫你剃頭嗎？」她指原來在孩子的世界裡，癌症就等於光頭而已，「佢係啟發咗我全件事唔使太沉重，佢哋後來幫我剃頭，之後同朋友講想有一首歌，做緊化療嘅媽咪都可以同個囡囡快樂生活。」
