/public/tvbcom/article/images/202505/428c6c4b-72ca-4723-b2e1-fa43355ecbdd.jpg)
癌症惡化至四期的吳文忻，病情一直反反覆覆，不過她一直以堅強樂觀態度對抗病魔， 更不時在社交平台開直播分享治療歷程。
面對四期癌病，吳文忻選擇大包圍治療方式，即化療同時亦採用其他治療，但有網民就抨擊其的做法，「今次繼續講，都預咗有人會攻擊，當然每樣對我有用，但對你未必有用，反應亦唔一樣……你哋覺得有需要咪了解下，利申我冇收錢，我只係用家分享。」
延伸閱讀：吳文忻退燒出院 精神不錯獲向海嵐探望 透露檢查報告最新結果
/public/tvbcom/article/images/202505/b7523f9d-b018-4fac-bb24-f04a77c73fbf.png)
吳文忻又指患癌的經歷，令其明白到更要令內心變得強大，「經歷（患病）呢段時間，都需要內心強大，所以咁容易畀網民打倒我，即係代表自己未夠強大。唔緊要，呢場風暴突然間嚟，冇諗過個post會引嚟咁大迴響，亦冇諗過delete，因為我性格就係咁，我又冇做錯咩事，你哋唔信唔鍾意冇問題㗎，我講你知，你哋咪選擇去唔去睇下。」
她自言會保持內心平靜和快樂，若激動回應haters，只會令身體和情緒波動，兩敗俱傷。
/public/tvbcom/article/images/202505/8fc3f6a8-8f19-4035-8333-85dbc828ee9c.png)
期間有網民跟她說，靠住信仰面對一切，吳文忻回應︰「我知，我就係靠住呢個信仰，唔再理一啲唔好心地嘅人，或說話不負責任嘅人，我都戥佢哋難過，如果要用唔好聽說話去踩低人、批評，呢個人本身都幾負面，所以我都希望佢哋身體健康，唔需要有我呢個煩惱。」
她指患病雖帶來身心挑戰，同時令她變得成熟，「如果唔係今次學習，我50歲人都可能仲係一個，未經歷太多高低起跌嘅死𡃁妹。」
她又說兩個小女兒，沒有因為媽媽患癌，而變得鬱鬱不歡。「可能見我都冇乜嘢，佢哋又冇乜嘢。作為病人，唔好覺得自己係病人，幾痛都好，都要行出去曬太陽。幾痛都好，都要拉下筋。」
吳文忻再自爆有個心願，便是一嘗歌手滋味，並指之前計劃造一首歌，但因心肺積水入院，一直未有完成，因此她託其好朋友同屆港姐cha cha女兒製作一首屬於自己與兩個女兒的歌曲，叫《Bald Mommy Bold Mommy》。她說︰「即係光頭同勇敢嘅媽咪！其實患癌媽咪都唔需要太沉重，所以想用一個輕鬆表達方式，透過歌曲演釋一個患癌媽咪與女兒嘅關係。歌詞好sweet，係我朋友填，佢個女就作曲。」
她還計劃7月出半自傳新書，將收益捐作慈善用途。
