/public/tvbcom/article/images/202510/fac97863-4fcd-4756-92f2-f6bf9d5d55b8.jpeg)
54歲的顏仟汶（Sophie），入行多年拍攝過不少作品，2004年曾息影轉行做服裝買賣，直到近年復出拍劇，憑精湛演技成功吸引不少關注，去年在《反黑英雄》中飾演「西敏寺」一角，將道友角色演繹得入型入格，廣受好評。顏仟汶近日在社交平台公開一張返學相，解鎖新技能實現自我增值，獲不少網民留言打氣。
顏仟汶早前透露10月份報名兩個課程：「10月份報左兩個班上堂，各四日09:00-17:00，估唔估到係學咩？」而從她晒出的課堂照片可見，課本上的「真人抽血及靜脈管留置技術證書課程」由社企開辦，並由前醫管局總部培訓導師和大學講師任教，分為8堂半日制或4堂全日制，港幣6000元不到即可報讀。
重返學堂的顏仟汶自爆壓力不小，一度緊張到失眠：「估我唔到學呢樣吧，第一堂啊，成晚失眠到今早6點，加油」，不少人都留言為其打氣：「支持支持，加油努力」、「喺邊度報喺邊度讀想做你同學」，亦有網民好奇：「即是抽血員？人工都唔低架」，顏仟汶就表示：「無諗啊,只係想學咋」。
