區明妙首支個人單曲面世 自揭因親友團一暖心舉動感觸落淚

區明妙最近還以歌手身分推出首支單曲《紫光》，她於IG感性撰長文分享解鎖新身分的激動心情：「小miu解鎖新身份了！是的冇錯！我出新歌了～《紫光》 Recall it from heart 已經喺各大平台上架了希望大家多多支持。好多謝 @voicedieuxhk 嘅邀請同埋信任～俾咗個機會我唱主題曲，因為對我嚟講都係一個好大突破嘅新嘗試同埋挑戰，都好開心可以成為夢想守護者，親眼見證大家追逐夢想嘅時刻，大家真係喺個舞台度閃閃發光呢～記住無論最後結果係點都唔重要！有呢份勇氣行到呢度 去為自己嘅夢想努力嘅大家已經係勝利者了！

區明妙續指因親友團準備的驚喜及無條件支持感動到喊：「 跟住要多謝我強大嘅親友團們～無論我想做咩，永遠都會咁支持我，知道我第一次solo唱歌show好緊張，專登過嚟睇我又俾驚喜我（哭仲成日好似湊女咁照顧我hehe～好愛你哋啦！」她又感謝粉絲們一路以來的支持：「又幫我影相拍片記錄低～！你哋真係太sweet了，你哋成日同我講我係你哋嘅動力 你哋何嘗又唔係我嘅動力呢。」網民也紛紛留言表示支持：「恭喜發展咗下一個身分了」、「太叻了 要繼續閃閃發光」。