/public/tvbcom/article/images/202605/0db9f911-261e-442e-9fe4-ddbb3139abd5.jpg)
TVB一眾藝人近日積極備戰，為5月1日《明星籃球精英隊表演賽．廣州站》密密加操，對戰由前中國男籃國手的孟鐸，以及有「路人王42冠王」陳澤文組成的球星隊。籃球女神劉穎鏇作為明星隊隊長，率領譚俊彥、張振朗、何廣沛、許家傑、戴祖儀、孔德賢、周志康、潘靜文、劉頌鵬、劉詠彤等人密密練波。
雖然張振朗與何廣沛加緊練習投射動作，但講到全場「最佳射手」，眾人一致公認是劉穎鏇。劉穎鏇接受 TVB娛樂新聞台 訪問時表示，球隊上下都非常有熱誠：「我哋以前每個星期練兩次波，每次兩小時，今個禮拜已經增加到三個鐘。」
張振朗則表示今次比賽是要「搵初戀」，他笑言：「自從13歲夏天同籃球結緣之後，我好耐都冇打過喇。而且我13開始就有個籃球夢，所以我今次唔係嚟比賽，我係嚟尋夢！」
延伸閱讀：
講到團隊精神，何廣沛現場大爆戴祖儀曾因找不到車位而「甩底」練波，故今次集訓得知對方又要遲到時，一度擔心她會再度缺席。
戴祖儀則開玩笑解釋：「如果冇上次經驗，今次真係走咗，但我決定要為團隊出現。」最終戴祖儀遲到九分鐘，即場被罰做九下掌上壓，而被戴祖儀封為「遲到王」的張振朗，更被爆出至今已累積「走數」過百下掌上壓！
不過許家傑亦有讚戴祖儀很捱得：「上次佢練到塊面都青晒斷氣咁滯都仲好堅持，可能公司藝人都比較捱得。」
