前J2節目《不正常愛情研究所》主持文頌男（Koba）去年10月患上罕見癌症「尤文氏肉瘤」（Ewing's Sarcoma），年尾起被逼停工接受治療。半年多來，他積極更新社交平台，與網民分享抗癌之路，獲不少善心人士關心及捐助。Koba日前（19日）亦有公布自己最新病況，他說醫生安排自己做28次電療，目前已完成了25次：「喺呢段期間，我身體成日都覺得好唔舒服、食唔落嘢、食完又好想嘔返出嚟，成日都覺得好眼瞓、好攰、體力好差、做少少嘢就索曬氣，就係因為咁，所以我好耐都冇出Post，連玩Social Media嘅精神都冇。成日瞓喺張床度，會諗到好多嘢，成日都好驚，會唔會以後都係咁樣呢？又跛又痛、連去個廁所都好辛苦、食唔到嘢又要逼自己食、隔幾個鐘就要食一次藥，真係…真係好厭倦呢啲生活。」不過他又想到家人、朋友，以及一直關心他、捐款支持他的網民，令自己增添了活下去的動力。
延伸閱讀：J2主持文頌男親吐為抗癌成「無眉男」 身體狀況變差 網民鼓勵：仍然靚仔永遠撐你
5月26日，踏入29歲的Koba在家與家人及好友簡單慶祝生日。Koba轉發家姐分享的全家福，見相中的他似乎精神不錯，雖然戴著帽子，也能看得到本為化療剃了光頭的他，頭髮已漸漸長了出來。Koba捧著蛋糕笑容燦爛，他亦轉發家姐拍攝的片段，見其在眾人起哄下準備切蛋糕，鏡頭外有女聲說：「29歲啦，提醒下你。」男友人接話：「下年轉字頭（30歲）啦！」Koba微笑回答道：「仲有下年…希望。」言語中透露無奈。
對於網上對其患癌原因的猜測，指Koba年紀輕輕便患癌，與他愛收藏電影《娃鬼回魂》的Chucky公仔有關，Koba亦有回應：「話我由有咗Chucky公仔就開始病、患癌，亦有朋友話覺得啲公仔風水唔好、有邪靈附體。」他解釋道，自己作為粉絲，10年前已收藏第一隻Chucky公仔，「而嗰段期間直到去年我都係非常健康，而我亦相信我患癌，同呢啲公仔係完全冇關係。」並強調收藏公仔只是普通嗜好，亦感激大家關心他。
