刑偵12｜陳若思2年前入讀電影副學士 彌補小遺憾：以前嘅我超自卑

隨著丁洛風（林保怡飾）意識到自己有人格解離，飾演人格的7位演員亦愈來愈多發揮，其中飾演未成年少女人格丁少婷的陳若思（Amber），便是其中一位討論度頗高的演員。

延伸閱讀： 刑偵12｜全25集劇透懶人包（持續更新）林保怡/張振朗/陳法蓉/傅嘉莉/曹永廉/陳自瑤 破驚天懸案

在《新聞女王》中憑出色表現成功彈起的陳若思Amber，在《刑偵12》中除了佔戲頗重，造型亦相當多變，為了配合她的學生身份，其中一個更是校服造型。有趣的是，原來Amber早前亦重返校園讀，她接受tvb.com訪問時，坦言是想了很久的決定：「2023年，我下定決心返學校讀書，主要係想彌補番人生嘅小遺憾。我報咗浸大電影副學士，因為拍戲係我嘅夢想！無論係咪紅得起，我都想一世做呢行；就算幕前唔掂，幕後都係一個好選擇。」為了專注讀書，Amber笑言設計了一個返學Look幫自己投入狀態，並幫該個造型改了名做Bonnie，又笑言回想感覺似是一種「人格解離」，Amber：「戴眼鏡戴帽戴口罩 就=Bonnie，哈哈。」

Amber坦言重返校園，不但令她在知識範疇內有增長，對做人亦有很大幫助：「以前嘅我超自卑，成日覺得自己好幼稚、又好依賴人，仲好在意人哋點睇我。但讀番書後，因為啲同學普遍都比我細八、九年，咁喺佢哋面前，我要變得成熟啲，亦係咁不知不覺成熟咗好多！加上讀書有好多功課同任務，有時仲要幫手做埋人哋嗰份，逼住我學識點樣自己思考、同人合作、同埋堅持完成一件事。所以呢兩年，我學到嘅嘢真係多到數唔晒！」

Amber還大拋勵志Bite謂：「我發現讀書其實冇想像中咁難，雖然我唔係高分妹，但只要唔放棄，慢慢行都一定到得到終點。我而家覺得，30歲大學畢業真係唔算遲；如果我一直畀藉口自己唔開始，人生就永遠都喺原地踏步。」Amber又笑言，身邊很多朋友都誤以為她中學未畢業：「可能我真係畀人一種好蠢嘅感覺，哈哈！講真係有啲唔開心。因為我其實好想做個聰明嘅女仔，識多啲嘢。我超羨慕嗰啲不斷進修嘅女仔，佢哋真係好耀眼，好有魅力！」Amber又透露早前收到了城市大學Creative Media Year 3的offer，並同時等候浸會大學的電影學系Offer，相當好學。