/public/tvbcom/article/images/202602/74154927-f3d1-4e7f-ac6f-7189cacbbe05.jpg)
冼靖峰（Archie）日前（7日）於廣州舉行首個個人演唱會，他先穿上一身型格啡色大衣，獻唱《自由意志》拉開序幕，之後他又唱出多首不同風格的歌曲，包括《情歌》、《離家出走》、《如果我是陳奕迅》等，期間更換上多套型格服裝，chok到爆！
冼靖峰又分別與《聲夢》好友潘靜文及《聲秀》學員布子殷合唱，令全場氣氛高漲。
延伸閱讀：冼靖峰任衛蘭巡迴演唱會嘉賓 二人首合作親揭原因：真係好榮幸
+4
另外，他還設有讀粉絲信的環節，其中更讀出「呢個好感動『你係我第一個追嘅星，希望你星途璀璨，愈嚟愈好』多謝你阿Moon。」台下的粉絲即大叫信上還有一句，冼靖峰又說：「唔好啦好肉麻，好啦我讀埋『你幸福嘅話，我會比你先流淚，加油我嘅巨星』唔好搞喊我啊！」場面感動。
對於今次首次個人開騷，冼靖峰接受tvb.com獨家訪問坦言感覺十分棒，望再在下一站與其他粉絲見面，又指這個騷猶如自己的「BB」，花了不少心機籌備，「呢個騷嘅concept、rundown同編曲都係我自己度出嚟，我又搵咗自己嘅樂隊band參與，個band leader亦都係我由細到大玩開音樂嘅人，所以大家已經好有默契，出嚟嘅火花好正。」
+5
他親揭今次音樂會主題為「Just Yourself」有特別意思，代表3個不同的階段，「第一個係自己一個追夢嘅時候有好多諗法想實現；第二個係參加唔同嘅比賽想證明自己係做到；最後就係明白到最緊要係相信自己，唔需要介意外來嘅聲音，相信自己做好本分就足夠。」
至於談到讀粉絲信其表現感動，冼靖峰坦言感激粉絲一直來默默守護和支持，「有一個fans真係寫咗啲好感動嘅嘢，我都差啲忍唔住喊，真係好感動。」
