傅嘉莉升級珠寶女神 考獲鑽石學文憑親揭辛酸事

傅嘉莉近年修讀英國FGA寶石學課程以裝備自己，最終用了兩年完成英國皇家寶石協會Gem-A的FGA寶石鑑定師基礎和文憑課程。日前她在網上報喜，再完成了英國寶石學院Gem-A 鑽石學文憑高級課程DGA，見她上載的成績單都奪得不錯的成績，認真厲害！

她發文表示：「感恩順利工作，順利考試，一月的放下心頭大石，來到三月的小喜訊，DGA Pass with Merit 。」

傅嘉莉續說：「期待我人生第一次的大學課程，香港都會大學珠寶應用科學學位課程 ，再次感謝母校莫教授和各老師的教導同埋鼓勵，每一次公開考試你哋仲緊張過我，希望今次都冇令到你哋失望。」

談到傅嘉莉將會修讀大學課程，她接受TVB.COM 訪問表示：「呢個課程都係最新，初頭以為要去到英國先可以讀到有關珠寶嘅學士學位課程，點知依家香港就有得讀，有咗FGA同埋DGA資格讀多一年就可以攞到degree。（整個課程要讀幾耐？）大約讀九個月。」

不過她要拍劇和讀書兩兼顧，絕不容易，對此傅嘉莉直言習慣了此忙碌的生活：「依幾年都係一路工作一路讀書考試好充實，呢個課程係有得網上上課，如果真係live上唔到堂就可以登入網站睇返錄影帶重播。上次就完成咗英國寶石學院最難考嘅寶石學課程FGA，今次就讀埋佢哋個鑽石課程，所以11月我都會睇吓有冇時間可以參加畢業典禮，影到張畢業相。」

傅嘉莉更自揭最難忘是當時考試撞正頒獎禮綵排，大感雙倍壓力：「嗰個星期我喺香港一路練舞一路溫書，皆因我要為澳門嘅頒獎典禮綵排，加上嗰次考試要考兩份非常難嘅paper，所以當時綵排完又返過香港考試，考完又返過去澳門綵排，嗰兩個禮拜身心都有壓力。」

現時她考獲寶石鑑定師文憑和鑽石學文憑，傅嘉莉直言想創業做相關的生意：「我都有諗過做購買珠寶顧問或初步𨯿定檢查，因之前都有藝人朋友同圈外朋友買鑽石時都會問下我嘅意見。」

其實傅嘉莉在修讀英國FGA寶石學課程時，一度荷爾蒙失調兼壓力爆煲，皆因同時兼顧拍攝《一舞傾城》及《香港人在北京》，心口由開始生粒粒，發展至「鬼剃頭」現像，其甩頭髮現像更由只有5毫子大發展到一蚊銀大，需要治療才能痊癒，如今其得償所願取得證書，證明其努力沒有白費。

延伸閱讀：傅嘉莉官宣做媽媽 ？突晒BB萌照 ：「family」