佘詩曼/陳山聰/胡杏兒/陳敏之等新年飯聚 各自帶仔女出席氣氛熱鬧

農曆新年宜團聚，不少藝人好友亦紛紛組織聚會。陳敏之今日（31日）分享多張與視帝陳山聰、視后佘詩曼以及胡杏兒等的聚餐照片，現場氣氛相當熱鬧！

依敏之上載的照片可見，大家都各自帶著仔女出席聚會，小朋友們互相之間亦都非常熟悉，玩得好開心，個個笑到見牙唔見眼！而老友相見亦格外興奮，敏之和山聰、阿佘、杏兒面貼面合照，氣氛溫馨。

值得留意的是，敏之晒出的其中一張相，是山聰的囝囝Jaco企喺爸爸膊頭，擺出型格姿勢，不少網民都大讚Jaco愈大愈有cool，好似爸爸咁有款呀！