佘詩曼與契仔互動甜入心被陳山聰囝囝一舉動冧爆： I love you x 10000

點讚

撰文：柔娛絲

發佈日期：2026-06-11 06:00

佘詩曼近日未有新工作安排，趁機相約契仔契女見面，日前她即興約了陳山聰囝囝 Jaco過二人世界。

阿佘還單拖湊契仔，「話說有一日我打電話俾契仔個老豆問佢：『喂，你敢唔敢俾我單獨帶契仔出去呀？』佢話：『可以。佢OK 㗎，你咪帶佢出去囉。』咁我呢個契媽就膽粗粗揸架車去接佢二人世界喇～（咪咪摸摸嘅我結果差唔多八點先去到樓下接佢）」

阿佘分享與契仔的溫馨對話，「佢一上車我就問佢：『你肚唔肚餓呀？』佢馬上點頭，跟住我又問佢：『但係咁喎，除咗食飯我又想帶你去買玩具或者買糖喎，你想去買咩好呢』佢話：『買糖！』跟住我就話你要頂住肚餓一陣喎，因為如果食完飯先至去，超級市場可能閂門喎，佢話：『Ok!我可以頂一陣！』」

最搞笑是Jaco去到超市後，即刻推車仔周圍行，非常開心拿自己喜歡的零食，阿佘更指初時對其表示只可以買5 樣東西，但Jaco懶理，更扮聽不到阿佘問他「點解愈買愈多」，「佢望住我陰陰嘴笑就走咗去，結果買咗10樣嘢，我輸1:0！」認真搞笑。

其後，她帶契仔吃其最愛的pizza，「去到餐廳好似返咗佢自己地頭咁，又問人攞顏色筆、又攞貼紙。佢邊食邊或邊講，我哋好開心。」

阿佘透露Jaco超Sweet舉動，令其冧爆，「佢突然間推張紙過嚟俾我睇，原來上面寫住『I love you！』我冧到癲咗！仲未完，佢突然喺I love you上面加咗1000，話love我1000咁多🤣我又輸俾佢，2:0！但係真係好正，人細鬼大～」

她再甫出一條與契仔的互動片，片中見阿佘問他為何有「I love you」，Jaco則說：「我寫畀你」阿佘再問「我係邊個」，Jaco表示「靚女契媽」面對契仔的甜言蜜語，阿佘當然冧到爆，不停甜絲絲說「I love you too」

最後，阿佘再指契仔相當Man，「喺超級市場買咗一大袋嘢，佢主動話要拎，個袋好似佢半個人咁大，我話我幫你拎啦，佢話：『呢啲嘢梗係男仔做㗎啦！』你哋話係咪好正先！ @jaco_chan_aj I love you x 10000 」！

這個契仔那麼冧豬，難怪令阿佘甜入心，網民更笑言「Jaco第時一定溝死女」。

主頁