佘詩曼與偶像周潤發首合照 親爆與對方見面難忘回憶：我內心已經放晒煙花

阿佘能與發哥合照，表現興奮，更親爆與對方見面的難忘回憶，「記得第一次喺舊清水灣片廠嘅飯堂，食食吓飯突然間見到發哥行入嚟，我興奮到成個人彈咗起身，又怕羞喎，但係又忍唔住細細聲叫咗一聲：『發哥呀！』」

她續說另一次更有幸獲發哥教做戲，「又記得有一次，接到藝員部高層個電話，叫我第二日去訓練班上堂，我仲拗晒頭話：『吓，上堂？我要開工喎！』仲記得佢話：『去啦，夾晒你啲時間㗎喇』」我心諗…無啦啦上乜鬼堂呀…攰到死…第二日死死地氣，因為未上過訓練班，仲行錯晒路。入到課室，梗係全部人都唔識啦，勁尷尬，求其搵咗個位坐低。張凳都未坐暖，我又『彈』喇！因為原來嗰堂係發哥親自教學！Ben Chan知道我偶像係發哥，所以專登叫埋我去聽嘅～（明醒我🤭）」。