佘詩曼狂拍廣告吸金力強 銀色晚裝大露背身形勁Fit 網民力讚逆齡女王

拍攝廣告當日，阿佘穿上一襲剪裁非常貼身露背晚裝，全程配合不同pose呈現弗爆體態。阿佘鏡頭內外演繹出既自信又從容的魅力，散發出來的透亮光澤感。向來是「吃貨」的阿佘更在小休時候，大嘆大雞髀補充體力。

廣告片段出街，適逢經典劇集《使徒行者》近日重播，網民再次重溫阿佘當年飾演的「釘姐」丁小嘉，並將劇中的搞笑感性的一面與新鮮出爐廣告中的自信高貴氣質作對比，紛紛留言大讚：「阿佘個樣真係冇變！」、「完全睇唔出相隔12 年！」

談到做到角色上萬變，容貌身形不變，始終如一的巔峰狀態，究竟「釘姐」、「Man姐」定「言官」才是最佳狀態？阿佘笑言每個時期綻放的光與美都不同，「這一刻，我最鍾意是言官，因為配合角色，大家都會見到好淡妝，沒有華麗嘅服飾配合，狀態好唔好一眼就見到。」

從早期的「釘姐」古靈精怪角色到如今的氣場全開，又覺得自己最大的成長是甚麼？阿佘表示：「最大成長應該係我更懂得享受演每個角色嘅過程。容貌一定有成長，我覺得可能係唔需要太過分緊張歲數，因為每個人都有獨一無二嘅吸引地方，學懂欣賞自己每個時期就好。」

另外，雖然阿佘工作忙碌，但她依然會抽空做運動，「我又少食多餐，同埋最緊要係保持心情輕鬆開心。」