佘詩曼父親節懷念亡父憶爸爸貪靚又好Man：天上嘅你放心，我好好

點讚

撰文：柔娛絲

發佈日期：2026-06-22 03:30

佘詩曼在5歲時父親因遇車禍離世，母親獨力照顧三兄妹，自小她已非常懂事，不用母親擔心。

昨日（21）父親節，阿佘晒出一張40多年與母親和父親的合照，雖然照片十分模糊，阿佘對爸爸的印象也點兒模糊，惟她依然記得對方十分貪靚，「日日出門口前都一定要gel頭，同埋噴香水。（我依稀仲記得佢嘅古龍水係咩味，係好Man嘅味道）」。

她自言這點與爸爸十分相似，「呢樣嘢可能係我遺傳到佢嘅基因，😍貪靚～因為我媽咪係完全唔姿整嘅。」

除了貪靚外，她指與爸爸一樣「曬極唔黑」，「我daddy曬極都係白雪雪嘅，媽咪成日話我識似，似daddy皮膚白，似媽咪對眼又大又圓，似Daddy work hard play hard. 似媽咪識得積谷防飢。」

最後阿佘感性地叫天上的他不用掛心，「雖然同Daddy嘅緣份只有五年多，但係都係嗰句，無佢無我。喺天上嘅你放心，我好好。Daddy父親節快樂！抬頭望到天空有粒閃閃下嘅星星，唔知係咪你呢…點都好啦，我派舊雲去錫啖你啦～」

另外，早前阿佘亦分享與母親即興食Pizza相，誰知去到門口大排長龍，她表示「『佢話：嘩，要排隊嘅。』好彩我都接得住，即刻話：『冇人去嘅餐廳都唔好食啦』跟住佢話咁又係。😅真係一額汗，因為都排咗成20分鐘。不過真係好好味～值得嘅」

但阿佘最開心見到母親一副滿足樣，「見到佢食得咁滋味，我就超滿足」。

主頁