佘詩曼拍攝《新聞女王2》花絮曝光 王敏奕親揭劇中一場口勁震憾：劉艷個感覺返晒嚟

佘詩曼接受訪問指車房是Man姐的避風港：「呢度係我成套戲最舒適嘅地方，包括上一輯都係，所以喺呢度用好輕鬆狀態開工。」

阿佘一如既往與其他拍檔輪流「萬歲」請劇組享用美食，慰勞大家：「做得咁辛苦梗係要食好啲，同埋見到工作人員咁辛苦同賣力，都想大家開開心心。」

新一輯Man姐與劉艷（王敏奕飾）以及PM（吳業坤飾）會另起爐灶開一個「公開平台」報道新聞，王敏奕說：「因為上一輯成日得我同吳業坤出咗去，今次有自己公司凝聚力好強，同埋終於可以好貼近Man姐工作，日日可以同佢演戲食飯，真係好幸福。」

吳業坤自言多了一個新封號，因為劇中新公司男丁太少，所以他自封為「公開平台一哥」。

劇中王敏奕保持博命跑新聞的性格，她親揭早前拍了一場非常震憾的冧樓戲：「嗰場戲我哋拍咗兩日，真係有當年劉艷衝入火場嗰種感覺，所以自己都覺得好興奮，劉艷個感覺返晒嚟。」