:quality(80)/public/tvbcom/article/images/202607/4c2560ec-0365-4fb6-b449-66deecb98d51.jpg)
佘詩曼（阿佘）向來非常疼錫一班契仔契女，日前陳山聰的囝囝Jaco6歲生日，她再次化身「最強契媽」為契仔Jaco安排慶生行程，錫到燶。
阿佘在網上分享一段與Jaco的慶生短片，發文寫道：「第一次同呢粒豆丁 @jaco_chan_aj 過正日生日，本來佢晏晝係有party嘅，但係因為我要做嘢所以去唔到。契仔自己話：『咁我哋夜晚食飯啦！』佢坐緊老豆車要FaceTime我，要求佢同工人姐姐落車單獨同我講，佢要同我兩個人食，勁搞笑😆）。」
延伸閱讀：佘詩曼父親節懷念亡父 憶爸爸貪靚又好Man：天上嘅你放心，我好好
佘詩曼與契仔互動甜入心 被陳山聰囝囝一舉動冧爆： I love you x 10000
/public/tvbcom/article/images/202607/2d25cb6f-dc2a-499c-a5db-231b631437a8.png)
這位契媽言出必行，見她親自揸車接載契仔，更送了他一份「驚喜禮物」，「五點收工即刻去買蛋糕、蠟燭、同生日卡。因為佢話要我揸車，所以買齊嘢即刻返屋企揸架車去接佢。一上車我就整蠱佢，送咗隻毛毛兔仔俾佢做禮物（佢講明話要Doctor Strange），我就係想睇佢勁失望嗰個樣，點知佢掩飾得好好，仲開開心心咁同老豆say bye，然後我哋直奔冒險樂園～」
阿佘與Jaco玩得不亦樂乎，最終去到9點才吃晚飯，即使壽星仔想吃麥當勞，她也滿足其願望，「我陪佢入去玩雪，跟住又射槍、又波波池、又碰碰車…玩到人哋閂門都唔捨得走，搞到夜晚九點都未食飯！然後佢話要食麥當勞（心諗：唔係玩嘢係嘛，我收工化晒妝點搞呢？)不過冇計啦，正所謂生日大晒，所以我哋最後就去咗食🍔🍟～」
當她問到Jaco有何願望，他表示「想契媽日日陪我食飯」簡直冧到爆！
阿佘續說：「食食吓我周圍望，佢問我做咩，我話我想喺漢堡神偷做背景嗰幅牆嗰度同佢切蛋糕（因為靚啲），不過可惜有人坐咗。佢就話不如我哋去第二度切啦！跟住我就揸車去咗佢屋企附近嘅公園，進行簡單而隆重嘅切餅儀式」
最後阿佘再為契仔送上真正的生日禮物，「當佢以為差唔多要返屋企嘅時候，我叫佢打開車頭冚，其實係想俾驚喜佢嘅，因為佢期待已久嘅Doctor Strange，我一早已經收咗喺入邊，佢見到當然好開心啦！」更向契媽送上香吻，Sweet到爆。
阿佘指與Jaco還有很多趣事，望他日對方記得6歲的難忘生日，「好多點點滴滴都好搞笑、好可愛嘅，只係不能盡錄，希望佢會記得六歲生日嗰年，有我呢個契媽陪佢過啦～」大批圈中好友和網民也留言畀Like，其中林盛斌搞笑留言「我過多兩個幾月就生日，唔使玩遊戲，唔使食麥當勞，唔使送禮物俾我，淨係要最尾錫嗰下得㗎啦」。
