何依婷BB房曝光 自爆瘋狂為女兒買靚衫 ：已經買到1歲

TVB小花何依婷自懷有「小蛇女」後，專心養胎，只是間中與朋友出去食飯。日前她在社交網分享一輯家居照，BB房同時曝光。

相中見何依婷整理BB床櫈，又執搭BB衫，一臉滿心期待BB來臨的樣子，並寫道：「My recent activity，留在家中執衫，整床整櫈，一天一天看着房間滿滿的，好有成功感。」

何依婷接受TVB.COM訪問透露BB房已準備得七七八八：「依家努力洗緊佢啲衫仔，每次睇到bb用品都好開心。（有冇買咗好多衫畀囡囡？）有呀！依家已經買到1歲嘅衫，買到停唔到手。」

談到她得天獨厚，肥肚不肥人，問到何依婷自懷孕後重了多少磅，她笑言：「係秘密，不過醫生話係一個正常健康嘅增長，冇過輕或過重。（老公有冇叫你食多啲？）都有，不過我好多時真係食唔落咁多。」又指對於「卸貨」在即感到緊張，現在仍準備執拾走佬袋，又指老公較為興奮，心急見到囡囡出世。

延伸閱讀：何依婷挺8個月巨肚拍夢幻寫真 低胸露肩紗裙性感爆燈！仲要開衩至肚臍以上