伍富橋富貴太太墮假機票騙局 買4套平價商務艙被騙逾XX萬：自問都精明咗30年

伍富橋與太太梁兆楹（Shirley）一直愛得甜蜜，近日梁兆楹弄傷以致要坐輪椅，令到伍富橋非常心痛，悉心照顧對方。今日（24日）伍富橋轉載太太的IG Story截圖，並指對方墮入假機票騙局，被騙買4套平價商務艙機票：「事源係我老婆呢兩日不便走動，唔係坐輪椅就瞓喺張床，太悶係咁碌IG，畀佢發現咗呢一個廣告。」

之後梁兆楹與這個詐騙集團展開對話，並且迅速與他們買了4套聲稱商務艙機票， 但當準備想再買多一套機票時 「開始發現唔對路」：「 經過多次盤問後，對方突然封鎖我老婆WhatsApp，此時我老婆就知道被騙了，並已即是致電警方的反詐協調中心並以報案。」

梁兆楹指這個詐騙集團做得相當認真，不但細心回覆問題，又解釋得專業清晰，「有晒單同埋認證做得勁真」，不過從截圖可見，對方要求梁兆楹將每張$9500的機票要分4次過數，即是總值$38000，對此梁兆楹不禁疑惑：「過咗頭兩次之後開始覺得唔唔對路，同埋一張單過點解要分開過數？ 當時都有問過佢呢個問題，但係佢就講咗一大堆公司Policy，話如果係分開過到時改機票會方便啲，咁我諗住係恒生銀行同埋個名應該冇事，當下都冇諗咁多。」

最終梁兆楹過了數給對方，但發現過數的戶口並不是該旅行社的名字：「 之後即刻叫我老公用恒生銀行個App check吓，點知個戶口名真係唔啱，當時即刻同佢對質點解戶口唔同咗名? 同埋點解佢明明話15分鐘後會收到電子機票，但係又一直都冇收到。跟住仲要send埋勁多嗰啲Facebookpost 畀我，說服我繼續畀錢，仲同我講話佢哋公司間間銀行都會有唔同戶口，當下即刻知道瀨嘢。」

梁兆楹再上該旅行社的官網，發現近日有不少人盜用其的名字騙人，故官網上載正確的官方IG以正視聽，而梁兆楹亦有報警處理：「最後梗係循例都要報個案啦，雖然知道一定係追唔番㗎啦，亦都冇抱過希望，想笑嘅都可以盡情笑，Post係因為希望唔好再有人畀人呃就好啦，自問都精明咗30年，但原來真係會有發瘟嘅時候。」

所以大家上網購買任何東西，真的要小心呀！