/public/tvbcom/article/images/202504/f1736a91-d1da-459d-a0b9-19f935a96644.jpg)
張與辰在最新一集播出的《中年好聲音3》與姚焯菲（Chantel）合唱《許願》，二人雖然年齡差了一大截，但他們唱出來的《許願》卻異常地有愛情感及火花，配以姚焯菲近乎無敵的甜美笑容，二人獲得近乎一致好評，肥媽開心到搞爛gag：「好好聽，佢哋係牛油果油溝橄欖油。」張佳添說：「我feel到有啲真愛喺裏面。」
不少觀眾大讚二人唱得十分動聽，想不到他們那麼有默契，期望他們再有更多合唱。
延伸閱讀：中年好聲音3｜張與辰姚焯菲合唱《許願》有火花 肥媽激讚二人夾到極 Chantel招牌甜笑搶焦
事後張與辰在社交網晒出二人的合照，自爆與對方合作最有難度是要忍笑：「知道要同Chantel一齊合作的時候，揀歌成為左我地最大的挑戰。想搵返首主音同和音都好有發揮空間的歌黎唱，最終我地一致揀左「許願」。跟住就要開始挑戰睇住👀對方唱的時候唔會笑場～其實都難，一開始真係一對到眼唱幾個字就忍唔住笑。」
他指十分開心能與姚焯菲合唱，期待日後再有機會合作：「佢係一位非常認真，對自己好有要求，好努力的歌手，多謝所有評審老師俾我地的意見，期待以後可以再同Chantel一齊合作玩音樂。」
+3
