中年好聲音3丨黃博與羅啟豪合照 親揭對方是老公偶像：日日喺屋企Loop

《中年好聲音3》昨晚（3月30日）播出一集，本輪主題是「中1、2生助力賽」，分為上、下半場競賽，首7位參賽者將由《中1》生助力，其餘7位參賽者則由《中2》生助力。

「女大魔王」黃博獲靚聲王羅啟豪助力的《囚鳥》，可謂驚艷一眾評審，關心妍大讚對方天籟之音，海兒評為最完美的和音演出；張佳添則以美點雙輝形容兩人演出，直言聽10次、20次耳朵都不覺累。

黃博亦在社交網上載與羅啟豪合照，大讚對方優點多多，十分值得學習的榜樣：「師兄畀我嘅感覺，就係讀書時高年級成績特別出色又努力嘅學長、人非常nice、關心人，仲不斷進步、不斷高走嘅榜樣。」

她又爆老公是羅啟豪的粉絲：「唔怪得我老公都被成功吸粉，日日係屋企Loop #還未分享的歌單 #相信相信等等。非常開心有機會向師兄學習，請大家期待我哋嘅 #囚鳥 。感謝Peter哥賜圖，非常非常鐘意！」

羅啟豪在帖文留言：「阿博，多謝妳 🙏 亦都多謝埋妳老公 😊 幅圖好得意 😁 妳喺呢個比賽做得好好！能夠同妳合唱係一個享受。加油」

很多網友大讚二人同為靚聲王，簡直令人聽出耳油！

延伸閱讀：中年好聲音3丨黃博＋羅啟豪合唱《囚鳥》 天籟之音驚艷關心妍 聽到打冷震兼心跳加速！