:quality(80)/public/tvbcom/article/images/202505/fdbc8236-8cf6-485e-872b-5bdb64103623.png)
《中年好聲音3》總決賽《中年好聲音3登峯之戰》昨晚（11日）圓滿舉行，除了三甲得獎者，Rapper唐嘉麟（KT）的開場演出也備受關注。2009年經由歐陽靖MC Jin帶入樂壇做Rapper的KT，昨晚在Opening表演中大晒Rapper功架，簡單兩、三句節奏感十足的rap、已輪流道盡7強的強項與特色，包括：「黃博係天籟之音攞得最多MVP，連林子祥都想同佢合作你就知有幾堅」、「張與辰係粉係絲超多嘅全能音樂人，佢仲有最駕勢嘅fans Club與辰同行」、「劉洋又稱大炮又畀人話貌似胖虎，但係鐵漢柔情先係另一度板斧」，並以「有請索爆車婉婉閃亮隆重登場，我哋中年好聲音一定越戰越強」將舞台交回大會司儀之一的車婉婉手上，演出亮麗；而當中7強與KT開心共舞的畫面，亦為表演增加了不少記憶點。
正所謂「台上一分鐘、台下十年功」，KT的精彩演出除了與累積多年的音樂經驗有關外，這份時長約１分半鐘的Rap，原來正式上台前曾經歷了多達十次的修改，KT接受TVB.COM訪問時笑言一再修改的原因，只因監製Patrick一句「唔要行貨」：「我同負責作曲同監製嘅DJ YiN將歌詞改咗不下十次，務求要寫出7強各自嘅個性、風格同特色。」
問到為何有幸能成為《中年》系列總決賽舞台的外援表演嘉賓，KT笑言全因有日心血來潮到《中年3》錄影現場探班，輾轉間獲監製Patrick發現其Rapper身份後，對方即識英雄重英雄謂：「得！我應該有嘢搵你幫吓手。」之後，節目內容營運總經理曾志偉都覺得用rap做opening夠新鮮，故大家一拍即合促成是次合作。KT一再感激Patrick給予機會：「今次監製Patrick畀咗個好好嘅位置我，佢話當然佢哋7位係主角，但佢話想我出嚟時都係主角，所有人嘅Focus都喺我度，所以佢千叮萬囑我寫到首歌要型啲，唔要行貨咁話。」
近年專注拍劇的KT，其實暗地裏一直未忘初心、繼續努力追逐說唱夢。當年因打籃球認識歐陽靖、並以其徒弟身份出道當Rapper的KT，6年前除成為《愛‧回家之開⼼速遞》⼤四喜的《乜嘢叫做IG我哋唔知》幕後協製功臣而廣受廣注外，數年前又與廣州新生代主流說唱人HomeBoy葉楓華推出說唱歌曲《朝九晚五》，還曾獲邀出演《中國有嘻哈》第二季。對於Rapper路，KT坦言仍然未放棄：「我相信有好多人已經忘記咗我係識Rap嘅，所以嚟緊我決定會出返嚟Rap，同拍劇一齊雙棲發展。」
