金式森林Jasmine｜何依婷「大眼私生女」演出經驗原來勁豐富！一年接逾百廣告／商演

羅子溢何依婷對著竹竹「Jasmine」盡顯母愛／父愛

竹竹「Jasmine」和媽媽接受官方訪問時，親揭「Auntie善荃」和「高叔叔」（羅子溢角色）如何在鏡頭後對竹竹「Jasmine」呵護備至：「竹竹同依婷姐姐好多互動，嗰陣依婷姐姐就算陀緊BB，都會抽時間同竹竹玩，成日不停讚竹竹得意同靚靚，好Sweet！至於子溢哥哥除咗成日同竹竹傾計同玩之外，喺拍兒童之家其中一場戲，拍拍吓突然落大雨，子溢哥哥驚淋濕竹竹，即刻叫Cut機，完全係父愛嘅表現！」

竹媽媽爆何廣沛對竹竹有求必應 愛心爆棚

竹媽媽笑言竹竹「Jasmine」私底下最喜歡「方家大少」何廣沛Matthew，由於Matthew叔叔因劇情需要、開頭對竹竹呼呼喝喝，令竹竹一度對Matthew感到害怕：「竹竹第一次見Matthew哥哥，係見到Matthew哥哥要衝入去打子溢，竹竹畀Matthew哥哥兇狠嘅樣嚇親，一開始係怕咗佢。但拍完呢場後，Matthew哥哥主動氹番竹竹。竹竹後尾都知道Matthew哥哥其實勁溫柔，無論抱抱定係『騎膊馬』，Matthew哥哥都有求必應，𠱁得竹竹勁開心！」

竹媽媽又指，「二少」陳浚霆Andrew及「三少」羅天宇，則愛用糖果氹竹竹「Jasmine」：「竹竹同Andrew哥哥第一次見面，Andrew哥哥就塞咗成包糖送畀竹竹，之後每次見到竹竹，都請佢食糖！」、「最近劇集做萬聖節主題宣傳，天宇哥哥知道竹竹鍾意食糖，除咗請竹竹食糖，仲同竹竹研究點用唔同嘅糖扮鬼扮馬。」

年僅6歲的竹竹幕前演出經驗十分豐富！不但客串過《愛‧回家之開心速遞》、《奔跑吧！勇敢的女人們》、《麻雀樂團》等劇集，更在短短一年參與超過一百個演出，包括政府廣告、飲食集團廣告、及不同的商場PR拍攝等。除了有演出天份，竹竹還是多才多藝的小女孩，兩歲起便開始學習跳舞、畫畫、小提琴和鋼琴，最近還開始學游水和唱歌，非常厲害！