清談節目《MORAZ天然草本皮膚靈呈獻:Mayanne小喇叭》由新鮮出爐的「最佳女主持」麥美恩(Mayanne)擔任主持,曾展望(GM)擔任助理主持,逢周四、五晚10點半翡翠台播映。
今晚(28日)Mayanne請來兩位同樣來自溫哥華的選美界好姊妹岑麗香及李亞男(Leanne)擔任嘉賓,開心share老公經及仔女經,向來樂意公開大談老公王祖藍的她,自揭當時祖藍為華姐擔任廣東話導師時,Leanne竟享有驚人特權,Leanne事隔多年說起往事仍忍不住沾沾自喜,並sweet爆分享愛情保鮮大法,實用又爆笑。
結婚多年後仍愛得甜蜜的Leanne,曲線大數祖藍好處:「其實揀老公要睇吓佢係咪愛你啦,有冇愛埋你屋企,愛埋你啲朋友,同埋係咪專一嘅人,孝唔孝順。」之後又與香香一樣七情上面、搞笑自揭在家中最愛騷擾老公,並高八度「慳啲啦Baby」上身謂:「我喺屋企好似喜劇演員,會話:『老公,你同我玩吖!』」說得興奮過籠自知失儀的Leanne,又會突然煞掣掩嘴說:「Oh sorry!」名副其實Drama Queen,難怪香香忍不住感嘆謂:「我哋人人都覺得祖藍係好好笑嘅人,但祖藍覺得你係好好笑嘅人,睇得出佢好欣賞你同好錫你。」
談到兩名囡囡時,Leanne又再度發揮搞笑本色,大叫「我愛奶奶」之餘,又大爆Gabby經常指爸爸很「短」:「喺佢心目中,爸爸係好短嘅,『媽咪高,爸爸短』,我就話:『唔係,唔好咁講,爸爸矮啫』。」Mayanne聞言笑到面都紅晒之餘,更忍不住質疑問道:「矮同短有咩分別?」想進一步知道Gabby眼中的王祖藍是怎樣,以及Leanne為何如此愛爆奶奶?密切留意今晚一集《Mayanne小喇叭》。