:quality(80)/public/tvbcom/article/images/202603/23033c70-007a-4ec7-bc86-6dbc866d6a22.png)
周志康憑《中年好聲音4》企鵝人人氣急升，周志康在社交網發文，直指一直很喜歡企鵝，所以抽中做企鵝人時，感到十分開心，「當初《中年好聲音4》同我講要戴住動物面具參賽，知道抽中咗做企鵝嘅時候，我其實有啲開心，因為我一向覺得企鵝好可愛，自己都好鍾意。第一時間諗到，如果企鵝要著衫，應該就係西裝啦！所以好快就決定咗企鵝人呢個造型～」
+4
周志康續透露戴面罩唱歌有難度，「戴住面具唱歌，一開始就知道要好好適應。面具會影響嘴型同呼吸，試過唱唱吓，黑色嘅薄紗竟然黐住個嘴，視線又會受阻。不過向好嗰方面諗，我可以更加集中去聽自己把聲，投入首歌嘅世界入面。（其實我自己都幾鍾意個面具）」
周志康以企鵝人身份出場時，獻唱《Touch》一鳴驚人，他解釋選唱這首歌的原因，「我不嬲都好鍾意古巨基嘅作品，覺得呢首歌好有故事性同畫面感，林夕大師嘅詞真係寫得好正。《Touch》亦係我咁多場比賽入面，準備時間最充裕嘅一首歌。畢竟好耐冇比賽，好耐冇試過要咁專心去練同一首歌。練習期間，我仲搵咗好朋友威煌隊長幫手，雖然只係兩次，但佢畀嘅意見真係好有用，幫我改善咗一啲壞習慣。」
