鹹豬手食譜｜三姐教煮芥菜炆鹹豬手 1種切法令白蘿蔔鎖滿湯汁

鹹豬手食譜｜蕭秀香（三姐）、姜麗文主持的《三餸一湯》中，曾教煮芥菜炆鹹豬手，鹹豬手軟滑，而每件白蘿蔔鎖滿湯汁精華，即睇秘訣！

延伸閱讀：粟米斑塊食譜｜三姐教整金沙粟米斑塊！加入1種食材令魚肉更嫩滑

鹹豬手食譜｜三姐教煮芥菜炆鹹豬手 1種切法令白蘿蔔鎖滿湯汁

蕭秀香（三姐）、姜麗文主持的《三餸一湯》中，教整芥菜炆鹹豬手，鹹豬手軟滑，而每件白蘿蔔鎖滿湯汁精華，原來切蘿蔔的方法十分重要。

鹹豬手食譜｜芥菜炆鹹豬手材料

• 鹹豬手
• 芥菜
• 白蘿蔔
• 炸枝竹
• 薑

鹹豬手食譜｜芥菜炆鹹豬手做法

1. 熱鑊下油，記得鑊邊都要有油，因為豬手較大塊，先下薑片爆香，之後放豬手煎一煎
2. 煲一鍋水，水滾後放入豬手及薑片，煲至少一小時
3. 芥菜只用莖部，切作大塊；炸枝竹泡水變軟
4. 白蘿蔔一開四，切成大塊柱狀，切厚一點就可以鎖滿蘿蔔、湯汁精華
5. 豬手煲了一小時後，可以放入蘿蔔、蘿蔔苗，蓋上蓋子再煲十多分鐘，再放入芥菜及炸枝竹，蓋上蓋子再煲15分鐘，最後加上一點胡椒粉