連鎖健身室浴室驚現「滿地黃金」 苦主不慎「索咗兩下」即逃 網民：痴線勁核突！

有網民發文大吐苦水，指自己晚上在某連鎖健身室做完運動，在更衣室換衫期間，聞到越來越強烈的惡臭，隨即循氣味望向浴室方向，赫然發現地下滿佈「一粒粒屎」，且渠道位置，更有疑似用保鮮紙遮蓋的排泄物。事主坦言當時震驚得以為自己眼花，更不幸地「大大力索咗兩下」臭氣，最終嚇得即時落荒而逃，更特意在文中提醒其他網民「有心理準備先打開（相片）嚟睇」。

閱讀更多：西貢麥理浩徑行山客攜疑似仿製路牌打卡 惹拆真路牌誤會 網民好奇：咩玩法？

事後，該連鎖健身室亦有留言回覆樓主：「由於清潔姐姐已經收咗工，已聯絡聽日早更同事翻到公司會即時處理。令到大家經歷以上情況，唔好意思」！

事件惹來網民熱烈迴響：「所以我寧願翻屋企沖涼」、「痴線勁核突」、「係好恐怖同噁心」、「俾你睇到真係算好。有時候你入到個沖涼房，見到個浴室冇任何嘢，但係一開抽氣扇嗰陣時，就喺個去水位度抽晒出嚟」、「真係要沖，要自備一套花灑頭連喉」、「嘩！幅相有味嘅」！